巴洛迪利（左）同米卡李察士（右），喺上周四練波練出火幾乎大打出手，原來已經有前科？話說兩人早一日喺更衣室度，扮晒拳王咁赤裸上身戴埋拳套擺晒pose影相，好似真係打boxing咁。唔知係有心真係打番場定係玩出火，兩條友到咗第二日操練就搞出事。領隊文仙尼話佢兩個私底下老友鬼鬼，希望床頭打交床尾和喇。