選美出身嘅「骨氣」，喺參加選美時，俾人話佢似婚後退隱公仔箱嘅孖女媽咪「生果」，唔知係咪因為佢似生果，而生果又收山唔再拍戲，公仔箱成日想捧紅骨氣。雖然佢嘅演技好鬼唔掂，仲一直都冇進步，但公仔箱仍然不斷力捧佢。
演技差又囂張
骨氣的確係幾靚，不過人緣認真麻麻，關仁收到風公仔箱好多幕後同埋同佢合作過嘅藝人都唔like佢，話佢唔只演技差，成日要NG，態度仲好囂張，成日擺阿姐款，當人透明，又奉旨咁使人唔使本。有一次，公仔箱化妝間梳頭阿姐幫骨氣整完頭，佢突然轉死性同阿姐講「唔該」，全場人包括化妝、梳頭同埋同劇演員即刻呆晒，有個梳頭阿姐忍唔住好大聲講：「我有冇聽錯呀？竟然有人講唔該喎！」全場人陰陰嘴笑。
Textby關仁