「夜闌人靜，心裏記掛着你，不能入眠……」生於廣東佛山市順德大良的陳麗芬，年輕時是出名的大美人，追求者甚眾。細她兩歲的妹妹陳秀娟，到現在仍能背出多封癡情漢寫給姊姊的情書。
不願瞓床「坐喺度瞓」
「條村個個叫佢大美人，啲男人成日寫情信畀佢，我唔識字，佢就讀畀我聽，聽吓聽吓好似詩歌咁入咗腦，記到家。後來佢去咗香港，四十幾歲先結婚，而且結婚時我哋唔知，淨係寄咗張相嚟，話同嗰個男人結咗婚」。她說姊姊離婚亦沒有告訴他們，被其他男人欺騙更沒有透露半句。
「嗰時仲係好保守，呢啲嘢唔會同人講。不過好多嘢唔使講都估到，佢就係遇人不淑先搞到咁」。姐姐遭逢打擊而患上精神病，但仍需照顧年邁多病的老父，當時身家被騙光的姊姊要周圍借錢給父親醫病。後來父親在家死去，其姊仍伴屍兩日間還給他餵粥，要親友上門探訪才被發現。
自父親死後，陳麗芬可能是對睡床產生恐懼感，不肯再睡在床上。「佢唔肯瞓落床，幾攰都係坐喺度瞓，你勸佢唔聽」。陳秀娟說，姊姊因長期坐着睡覺，導弄致頸骨受損，現在無法長時間抬高頭，慶幸近幾年在藥物控制下，她終於肯睡回床上。《蘋果》記者