拜仁慕尼黑喺上周五德甲，以3:0輕取科隆，成為冬季冠軍。場波正氣到不得了，除咗列貝利極速變身紅牌阿姑外，最蝦碌要數28分鐘嘅一個自由球。由拜仁重炮中堅雲拜頓（左二）勁射，佢一腳狂抽，俾對手瞓身擋走；喺左路嘅洛賓想去控波嘅時候突然停咗。原來個波俾雲拜頓射爆咗，成個波膽爆到出晒嚟（箭嘴示）。睇嚟生產公司真係要做多啲測試。