下年歐國盃同倫奧個檔期近到不得了，搞到出現爭人現象，日前終於都有定案。英奧隊領隊皮雅斯出嚟同傳媒講，話下年有份踢歐國盃決賽周嘅球員，都唔會入選英奧隊，佢話呢個決定完全係為球員着想，唔使踢到殘。韋舒亞、菲爾鍾斯同基斯史摩寧都想踢歐國盃，睇嚟佢哋3個好有可能唔會亮相倫奧。