鄭嘉穎、黃德斌、黃智賢、欣宜等前晚為撐好友鄭子誠，在港台參與「音樂情人&FriendsUnplugged音樂會」。嘉穎表示沒有時間練歌，只能與一班人上台大合唱，他說：「家出碟冇錢搵，即使有心願再出碟，但都未必會出廣東碟。」
年輕人手機煲劇
另外，無綫劇《天與地》收視差強人意，不受師奶觀眾歡迎，有份演出的黃德斌表示不會灰心，他說：「我知有啲睇開明珠台嘅人都會睇，年輕人更會用手機同步去睇，呢啲數字計唔到。唔擔心無綫會嚇親唔拍呢類劇集，因為連海外都有口碑，咁大個平台容納到唔同劇種。」
欣宜透露明年會與無綫有新合作，自嘲沒有遺傳媽咪沈殿霞的口才，故沒有信心做司儀，反而希望拍飲食節目，她說：「食蟲都OK㗎，但貓狗就唔可以，我唔一定要食鮑魚、魚翅，最想叫我去食地道美食，我一定會講得好中肯。」採訪、攝影：李珮洳