最近似乎特別多反敗為勝的例子，西班牙國家打吡、車路士對曼城、史特加對拜仁，而單是一隊新特蘭，就已經連續兩場。撇開陰謀論，可能是各地聯賽無論是榜首及護級形勢都相當緊湊，當打開紀錄之後，落後一方球員往往豁出去，有意外收穫。
遇上實力接近的前列分子對碰，又或是護級戰，臨場買走地盤，不妨多考慮買落後一方反勝，又或者是入球「大」，尤其是護級戰入球「大」偏冷。而近期反勝例子中，大部份是尾段才扭轉乾坤，所以賠率往往可觀。
今日幾場英超賽事，可以列入上述兩類的當然是曼城對阿仙奴，曼城回落，阿仙奴則有進步，差距比季初細，主W有1.58倍，參考當日曼聯主場大炒阿仙奴一役的初盤，明顯有點偏冷，投拄信心不算太強。反而入球「大」賠率和主W相若算是硬淨，曼城早前被利物浦狂攻，不敵車路士，證明後防一般而已，至於阿仙奴防守更加一向是有限公司，配合近日戰況多數燦爛的趨勢，頗大機會又是大交收。
另一場心水反而是昆士柏流浪「細」，曼聯歐聯出局後，立即大炒狼隊一吐烏氣，但曼聯作客沒有特別銳氣，不宜看得太高。昆士柏主場一般，早前對車路士11個打9個都要差點失守，實力當然有限，正因如此，入球「大」初盤有1.7倍是算好分。
既然曼聯傷兵滿營，信心受挫，就博要一場苦戰之後才可以僅勝，入球「細」2.02倍已算不錯。
文：黃國英
入球大細
星期日6昆士柏流浪細(2.02)x
星期日30曼城大(1.59)2x1