新世界中國（917）跌到近供股價，兜返轉。新中呢期進行供股，每股供股價1.49元，集團插到近3年低位，現價（1.58元）同供股價，唔係相差太遠。而新中計埋供股攤薄效應後，每股NAV5.31元，現價折讓高達70%。呢個折讓，仲係未計算集團龐大土儲嘅增值，及中線嚟自個別業務，好似酒店項目，有潛力透過資本市場反映身價等等效應。新中有咁大折讓墊底，已經冇有好怕。再講，新中喺供股前，手頭現金106.5億銀，若果計埋呢次供股集資，現金上到149億銀，銀彈多咗，有利日後業務擴展，而集團淨借貸比率進一步跌到得14.3%，安全過渡緊縮政策期之餘，買新中，擺中短線，翻半番到2.37元，NAV折讓仍然高達55%。
寶光冷吼翻半番
寶光（084）2012年半年度（9月底止）純利爆升1.28倍到1.15億銀，兼幾乎追到上2011年全年度純利1.3億銀，靚仔到痹。集團主打「時間廊」及「眼鏡88」，係大眾主流手錶及眼鏡嘅出名連鎖品牌，加埋消費OK，全年度繼續靚仔。寶光2012年度純利翻半番到1.96億銀，PE得6.5倍。冷吼同樣博翻半番到2.01元，目標PE只不過是9.7倍。
錢雋