莊思敏同李曼筠等前晚喺銅鑼灣出席餐廳開幕，莊思敏話以前自己唔識煮嘢食，不過家會開始學，因為識煮嘢食可以留住男朋友嘅胃，佢直認自己係一個好嚴厲嘅女朋友，以前嘅男友同佢一齊都會好辛苦。問莊思敏會唔會要求男友畀手機等嘅密碼？佢就覺得，如果大家感情穩定嘅話，都可以互相交換，但佢就一定唔會隨便刪除男友嘅訊息喎。