香港人鍾意食小食，由蚵仔麪線、雞蛋仔到西班牙tapas通通都愛。現在可以試試新口味，那就是意大利的Cicchetti，即小食的意思，翡冷翠燴牛肚、手做肉丸，不過，最誘人的，必屬醃漬半年的豬油，片片灑在薄餅，除了香還是香。
記者：姜穎妍
攝影：黃子偉
Model：Clarisse@Zmodel
威尼斯數百年飲食傳統
意大利菜常給人精緻、高貴的形象，不至於高不可攀，但總感覺不是平民小食，Papi卻為意大利菜帶來新形象，推出一系列小食、頭盤等，鼓勵客人邊悠閒傾偈邊分享食物。其實西班牙有tapas，意大利也有Cicchetti，小食是威尼斯人數百年的飲食傳統，多是迷你海鮮、肉、沙律或三文治等，在午餐前、下午茶等時間進食，基本上同officelady一樣，肚餓口痕均會食，很多旅客到訪威尼斯，會特別去光顧專售Cicchetti及葡萄酒的小店。而Papi的裝潢亦以casual為主，柔和的木色配合氣氛，放上辣椒、橄欖等食材作擺設，令人溫暖舒適，而餐廳提供的碟子，色彩繽紛黃的、綠的等統統都有，更貫徹意大利那種活潑奔放的感覺。
意版山竹牛肉夠鬆化
看到意大利小吃上枱，頓時感到世界很奇妙，菜式造型竟然是我們很熟悉的點心樣子。先說Papi自家手做肉丸，賣相有點像精緻版茶樓常見的點心山竹牛肉，但味道當然大不同，主廚Peter解釋，「材料係牛肉混ricotta、parmesan芝士及松子仁等，不論ricotta、parmesan芝士、松子仁都由意大利運過嚟，意大利松子仁比中國松子仁長，亦無苦澀味。」手做的肉丸小小的，一口一粒，非常鬆化。而烤意大利豬肉乾配mascarpone芝士的賣相，則跟豬肉鬆有點相似，「豬肉用的是豬腩位，mascarpone芝士是意大利牛芝士，常用於甜品tiramisu中，好滑但芝士味唔重，所以我哋加埋藍芝士，增加芝士味。」豬肉乾烤得鬆化，像吃厚脆的豬肉鬆，配合芝士，是一班朋友聚首聊天的好零食。
而單看翡冷翠燴牛肚的外表，你或驚覺它似足變奏版的咖喱牛肚。「唔好覺得外國人唔食內臟，鍾意食嘅意大利人同我哋一樣，勇於食唔同嘅食物。」Peter根據意大利傳統，用了洋葱、甘笋、醋及茄汁等雜菜去燴牛肚，燴足2小時，難怪博得Clarisse歡心，「牛肚甜甜哋，好腍，唔使點咬已經可以吞。」而接下來的劍魚刺身配車厘茄及鮮蘆笋，劍魚輕薄透明，吃來更毫無腥味。
日日鮮製意粉
小食很精采，別以為餐廳會在主菜鬆懈，單是辣番茄醬蒜片意式手做意粉，便要弄足1個多小時，「麪粉由意大利入貨，搓完要放整麪機過幾次壓扁切條，再用人手搓出一條條粉。」粒粒皆辛苦，原來意粉亦如是。「意粉好似烏冬咁粗，但好煙韌，條條充滿番茄味。」
至於香港人愛吃的pizza就更加有驚喜，如哥盧拉達香醃豬油片pizza的材料有鮮蘆笋、塔雷吉歐芝士及哥盧拉達香醃豬油片！「豬油片做的肥膏是用上rosemary、胡椒及鹽醃足半年，成為膏狀後，我哋再用刀片薄豬油片出嚟放落pizza度。餐廳有火山石爐，爐溫超過300度，pizza1分鐘多啲就烤完，pizza特別鬆脆。」大廚說。而鮮果薄餅更有特色，用上生果做配料的pizza，「生果pizza係意大利熱門食物，可以當甜品。」老實說我本來對這pizza沒好感，總覺得甜的pizza跟鹹豆腐花一樣很古怪，但吃完後完全改觀，想不到蘋果、橙、士多啤梨及藍莓跟pizza很夾，是一個吃飽正餐後依然要吃的甜品。
做麪過程
Papi（28112681）
尖沙嘴柯士甸道西1號圓方3樓平台R011號