入圍2011亞洲先生嘅16位參賽者，前晚喺中環酒吧拉票，同場仲有20位候選亞姐，加埋甄穎珊同筱靖等嘉賓。現場以來自日本嘅6號辻伊吹最受歡迎，佢一出場就全場起哄，林紫君仲忍唔住要攬佢，5號王子鈞亦扯高衫騷肌肉兼露底褲邊色誘眾女。11號謝傑比薩松最搏命，不斷摸同掃啲女仔嘅大髀拉票。
甄穎珊冧台帥哥
甄穎珊對台灣仔13號邱士峻情有獨鍾，佢仲主動獻吻錫邱士峻塊面，又讚人哋瘦得嚟有肌肉，仲話：「我以前男友係台灣人，家佢有拍電視劇。」邱士峻亦禮尚往來讚甄穎珊靚，得知甄穎珊整容後亦讚佢整得唔錯。
最後辻伊吹贏咗最受女性歡迎超級男，佢仲讚香港女仔熱情：「很開心，不覺得香港女仔好狼。之前沒信心入三甲，因自己沒肌肉，今次得到冠軍就有信心，強敵是10號崔糾範。」
