鄭嘉穎、羅慧娟、陳法蓉、莊思敏等前晚在數碼港出席《職業特工隊4：鬼影約章》（MissionImpossible：GhostProtocol）首映。嘉穎當視帝後相繼偶遇周麗淇和佘詩曼，前晚又與緋聞舊愛徐靜雯（Jenny）同場現身，身穿桃紅色低V連身裙的Jenny起初避與嘉穎合照，相反嘉穎非常合作，還笑說：「放心，一定會影相同打招呼。」但兩人合照時貌合神離，嘉穎表示攞視帝後，Jenny有短訊恭賀自己。
有傳嘉穎翻撻佘詩曼，他笑說：「我哋保持朋友關係，冇一齊番、冇復合。」記者笑指復合即代表曾經一齊過，嘉穎尷尬狂兜：「我只係用番雜誌復合嘅字眼，總之冇復合啦！」而被指買T-back欲翻撻嘉穎的Jenny，否認是怕現任男友周子揚呷醋，強調兩人是發展中的好朋友。
羅慧娟精神爽利
此外，早前傳患癌的羅慧娟亦有現身，雖然較之前瘦，但精神不俗，問到健康狀況如何？她說：「我行出嚟畀你哋睇，好過我講任何嘢，家生活正常，每日工作同湊老公仔。」而低胸莊思敏對Jeana認隆胸，她說：「不認不認還需認，但有啲人鍾意一個大話冚一個大話。」
採訪：譚倩宜
攝影：林德雄