現年28歲前Cookies餅女區文詩（Angela）與日籍男友鈴木仁分手後，有傳已另結新歡與外籍俊男蜜運中，日前她與男友及唱片公司環星小師妹迪子與一男士，兩對情侶暢遊海洋公園，據悉，Angela的新歡名叫Peter，為美國高材生，是香港金融界年輕才俊，年薪500萬。
據知，區文詩（Angela）的新男友Peter為美國長大的意大利人，比Angela大一歲，29歲的Peter來港只有兩年，已成為香港金融界的年輕才俊，年薪近500萬。
消息指，Angela與鈴木仁分手後，出席一個活動時邂逅Peter，他隨即向Angela展開幾個月追求才成功，Angela經常向身邊友人大讚男友細心又溫柔，做事有計劃又穩陣，永遠做定兩手準備，而最逗得Angela歡心是經常帶她出席朋友聚會。
日前Angela與Peter聯同唱片公司環星的新人迪子及一男士，有如兩對情侶結伴遊海洋公園，Angela把照片上載微博，似是認定男友地位，不過Angela接受本報電話訪問時說：「唔係兩pair，我同佢（Peter）只係好朋友，佢嚟咗香港咁耐都未去過海洋公園，我只係盡地主之誼啫。」
盛讚投資叻
環星新人迪子與結伴之男士，Angela表示這位男子是在美國長大的台灣人，與Peter是好朋友，她暗示是為迪子作紅娘：「三個人去玩好伶仃，坐過山車要四個人，好多機動遊戲都係四個人一齊玩，有啲仲要兩個人一齊坐。」
今次作媒是否成功？Angela失望地說：「好似冇喎！過唔到電，佢（迪子）成日叫我介紹男仔畀佢識，佢單身咗好耐，佢係好女仔，又有才華，每次遇到好男人我就會介紹佢識。」對於有傳她的男友Peter是金融才俊，年薪500萬，她冧爆地甜笑：「佢投資係好叻，但年薪幾多，我真係唔知。」
採訪：陳玉琼
