「香檳」彷彿與「慶祝」畫上等號，聖誕開Party，不少得一瓶香檳！但到底怎樣選擇才夠氣派？電視廣播有限公司（511）主席邵逸夫孫女婿Desmond開設的酒窖Vinum，有逾千款藏酒，並設有品酒室，當中不乏豪氣之選。
根據Vinum助理銷售經理吳丹的建議，想凸顯個人貴氣及品味，可選ChampagneKrug1981。吳丹說：「Krug喺好年份先會出『KrugCollection』，但係就算做好之後，都會喺自己酒窖入面收藏好多年先會拎出嚟賣，因為要睇啲酒發展得好唔好。」這支ChampagneKrug1981亦要等到2000年才公之於世，由於沉澱多年，酒體更為醇厚、豐富，易於配搭聖誕大餐各樣佳餚。Krug1981另一特色是以小木桶釀製，令香檳更能吸收木桶味道，帶有濃濃的乾杏脯和咖啡味道。1.5升裝，售價1.1萬元。
ChampagneSalon產量少
另一推介牌子是ChampagneSalon，這個酒莊產量很少，「由19世紀尾到家先出咗38個vintage，最近嗰支已經係1999年，係香檳區裏面做得最好嘅香檳酒莊。」ChampagneSalonBlancdeBlanc1985選用單一地方、單一年份的Chardonnay葡萄，極具獨特性。知名歌手黎明也很愛這個牌子，每支售7000元。
凱撒大帝要求透明樽身
另一款廣受荷李活Rapper歡迎的LouisRoedererCristalChampagne，透明樽身是特色之一，據說是凱撒大帝要求酒莊為他製造，以防有人在樽內下毒，「呢支係唯一一支香檳用透明樽身，而且好重礦物味，食海鮮大餐就最啱。」雖然現在不會有這等事情發生，但拿出一支獨特樽身設計的香檳亦很夠派頭。
談到香檳，不能不提香檳王DomPérignon，以香檳發明者DomPérignon為名，由Moet&Chandon出品，屬頂級香檳。一般以相近比例的Chardonnay及PinotNoir調配，味道層次較多，先有杏仁及乾果香氣，後有奶油香氣，酒體和諧豐富。向中環、灣仔、銅鑼灣和尖沙嘴多家著名餐館提供佳釀的酒商Cuvées，該店管理董事陸政邦推介ChampagneCuvéeDomPérignon1983，「呢支香檳陳年得耐，氣泡已經冇咁多，飲落去比較似白酒味道。」
Bonnaire啖啖不同味
除了頂級香檳王，陸政邦較喜歡ChampagneBonnaire，因為Bonnaire是香檳界中的RM（Récoltant-Manipulant），即獨立香檳自釀農。由栽種葡萄、釀酒甚至行銷，都是一腳踢，「每一次飲都會有唔同感覺，第一啖同第十啖可能會有唔同味道，好有驚喜。」此香檳有較香濃的多士、曲奇、橡木味，層次較豐富，可凸顯主人家獨特的品味。陸政邦說：「其實有好多地方嘅葡萄汽酒都好好，不過香港人最鍾意都係法國香檳。」
記者：張芷茵 攝影：梁志永