人氣跌到谷底嘅過氣名模「變臉姐」,家喺香港嘅工作少之又少,所以佢都叠埋心水拍拖,起碼啲人會以為佢只係掛住拍拖唔做嘢啫。其實變臉姐份人好有問題,成日扮晒係topmodel,搞到神憎鬼厭,佢仲唔知驚,繼續耍大牌,又唔改吓自己啲性格,關仁知道最近難得有人約佢做訪問,變臉姐非但唔感激人哋雪中送炭搵佢,去到現場當正自己係紅牌阿姐,除咗態度囂張,又話唔識人哋公司名,寸爆話聽都未聽過,佢以為好巴閉,其實現場啲人掩住半邊嘴笑佢,佢阿姐連人哋邊間公司都唔知都走去做,擺明佢幾恨做訪問啦。撰文:關仁