許志安與鄭秀文復合後，受女友薰陶成為虔誠基督徒，早前安仔在歌迷聚會上，分享一個親身經歷的神蹟。有歌迷還抱着BB來出席聚會，歌迷特意找來多位安仔好友拍片送祝褔，他們都不停向安仔催婚。
入行25年的許志安早前與數十歌迷舉行FanClub成立18周年的「華麗盛裝派對」，有追隨安仔多年的歌迷還抱着BB來出席聚會，安仔在估食物遊戲環節中親自餵fans，他又送出一些穿過的Ｔ恤、手套、戒指等，fans接過禮物後笑逐開顏，攬住當寶。
儍笑回應
一班fans特別找來安仔好友譚詠麟、楊千嬅、蘇永康等拍片送祝福，黃日華笑安仔25周年是「老屎忽」，歐陽德勛和安仔的傑青提名人均希望他盡快拉埋天窗結婚，令現場fans歡呼起哄，安仔只懂儍笑。
事後安仔笑說：「通常叫我快啲結婚嘅人，婚姻都有啲問題，我唔會聽佢講，順其自然啦，講得多都煩，唔想抹煞我工作嘅努力，趁呢次唔再講喇。」
派對近尾聲時，安仔講述一個在內地親身經歷的神蹟見證，他透露差點趕不及搭飛機返港出席fans聚會。
心中祈禱
安仔說：「啱啱喺西安返嚟，途中遇上交通阻塞，我喺心中祈禱三次，奇蹟就發生咗，司機突然見到一條山路出口，我哋去到機場只係遲咗兩分鐘，連架機都hold住等我哋。」安仔表示有些歌迷由細看到他長大，現在已結婚生仔，令他甚為感觸，故很珍惜每年的FanClub聚會。
撰文：林妃