余文樂噚日喺尖沙嘴出席美容專櫃嘅開幕儀式，樂仔話自己嘅皮膚一向唔好，仲要有哮喘，家成日返內地做嘢其實都係搵命博，佢話：「我去親內地做嘢就要配定一批藥先，冇藥就好驚，唔係個人唔得，係身體真係有啲虧虧哋。」嘩！竟然公開話自己虧，仲邊有女仔行埋你度呀？樂仔就講笑咁話：「唔好講呢啲啦，唔諗可能就會唔虧呢。」