《天與地》不但吸引年輕人，連一班電影導演也成劇迷。《打擂台》導演鄭思傑自言是《天》劇的擁躉，他說：「我覺得香港電視界有希望，促使我睇係套劇話有人食人，估唔到TVB咁大膽。」他讚內容貼近社會民情，難得是一個封閉媒體肯發聲，就像在TVB居然播出《頭條新聞》這類諷刺時弊的節目一樣。
杜琪峯好奇
鄭思傑又讚鏡頭運用和枝節細緻，他說：「有場醫院戲講家明入院，嗰段唔只佢有對白，連身邊嗰位臨時演員都有戲。」擅長拍愛情電影的葉念琛也力推此劇，他說：「對行內人講佢嘅拍攝手法好電影，例如時空交錯、冇對白嘅鏡頭都好識用鏡講故事。」
連杜琪峯也有興趣一看：「未有時間睇呢套劇，聽講今次同平時嘅無綫劇好唔同夠破格，咁咪好囉，創意好緊要，有時間都會搵番嚟睇。」
採訪：何永寧