文詠珊（JaniceMan）前晚在金鐘出席隱形眼鏡品牌活動，穿上Moiselle裙的她，訪問時卻倒米指曾因佩戴隱形眼鏡而險盲：「我14歲開始戴con，雖然冇近視，但為配合拍攝都會戴唔同嘅colorcon，有時仲會偷阿媽啲con嚟戴。試過有次拍廣告，戴咗成十幾個鐘頭，搞到要入急症，最後仲要停工兩星期，醫生話如果再遲入院，眼角膜會留疤！」
早前JM被拍得跟新歡逛街，對此她即澄清：「當時仲有兩位女仔，只係cut咗，嗰個男仔係我bestfriend嘅男友，根本唔係乜新歡。」
JM又否認仍有到訪前男友住所一事，她說：「我哋一直都唔係同居，只係大家都有單位喺同一屋苑，家都考慮會搬。」
採訪、攝影：顏英儀