《怒火街頭II》由出爐視帝鄭嘉穎和視后胡杏兒主演，昨日二人在深水埗拍外景被街坊圍觀。黃宗澤昨日生日，問杏兒是不是趕收工慶祝，她否認說：「冇冇冇，冇得慶祝，佢好忙，要拍劇又要拍賀歲片。」之前兩度衰多口激嬲男友黃宗澤，杏兒第一時間賣口乖說：「希望佢身體健康，工作順利，視帝、影帝都想佢攞。」
阿姐鼓勵拍散拖
鄭嘉穎的前度緋聞女友周麗淇被踢爆跟紗廠少東拍拖後，她暗示已經分手，對此他說：「安慰唔使喇，上次喺Toby（梁靖琪）婚禮見到面，有傾偈，佢非常冇嘢。」周麗淇回復單身，未知嘉穎可有翻撻之意，他即說：「嘩！你都講得幾得意！」
此外，嘉穎昨日接受商台電話訪問，提到愛情交白卷，嘉穎笑說：「學阿姐（汪明荃）話齋，呢5年工作先，唔好拍拖住，我同阿姐講我年紀唔細，阿姐叫我拍吓散拖先，我阿媽家都放棄我。」
採訪：楊潔雯 攝影：葉君海