梁振英及其支持者在選委會選舉中幾遭「清枱」，梁更以最低票當選政協正式選委，不過據知「屠狼」未有嚇倒梁之餘，反令他決心「絕地反擊」，希望利用被中央某些官員打壓，大打「同情牌」，希望谷高民望，爭取建制派選委提名，「特別係嗰班要參加立法會直選嘅選委，佢哋要向選民交代，未必唔肯提名CY（梁振英）」。
再被抹黑民意亦未必扭轉
有挺梁政界人士指出，今次挺唐陣營及部份北京官員，為求打擊梁在選委會內的支持票，不惜「趕盡殺絕」，最終或有反效果，「好多市民就算冇得選特首，都唔想中央高壓干預特首選舉，甚至建制派都唔放過！」他指挺唐陣營做法只會令梁民望再升，「北京越係打CY，市民越同情CY，就越係挺梁棄唐」。
該挺梁政界人士又相信，就算挺唐陣營及部份北京官員出手再抹黑梁振英，亦未必可以扭轉民意走勢，「市民只會覺得有人砌詞要人格謀殺CY，反而會覺得對手手段唔光彩」。
假如梁民望可以保持升勢，該挺梁政界人士預期，梁振英可以有更多政治籌碼爭取「入閘」選特首，特別是那些要參加立法會選舉的選委，若他們不肯提名梁，將難以向選民交代，「好似民建聯、工聯會咁，CY同佢哋理念好近，如果CY民望高過唐英年，佢哋都提名唐而唔支持CY，我諗佢哋選立法會嘅時候都好難交代。」
《蘋果》記者