【本報訊】不少人都認為製作網絡遊戲的人都是一大班宅男，但Gamespace卻有一名十分搶眼的「女戰士」。同是80後的Wendy曾在IVE讀視覺傳遞，參與過動畫《阿童木》製作，後加入Gamespace擔任美術設計。為何離開動畫界加入一間小公司與一眾宅男打拼？她解釋：「動畫創作其實幾沉悶，嗰陣我負責處理3D動畫人物嘅毛髮，日日對住部電腦慢慢調校令佢哋望上去自然，不停重複一個工序，都幾苦悶。」
創作遊戲滿足感大
投入遊戲創作，令她有更大滿足感，本身是遊戲迷的Wendy說：「遊戲創作嘅互動元素多好多！除咗做美術設計之外，就連劇本、遊戲玩法等好多地方都可以諗埋，挑戰性自由度都好大。」對Mark來說，Wendy的加入意義重大，尤其越來越多女孩子愛打機，創作時多考慮女孩子的視點，有助提高遊戲的歡迎程度。
Wendy笑說：「對男仔嚟講，打機最重視分數、道具、攻擊力呢啲數值，女仔就好着重角色外表同畫面風格，亦會花錢為虛擬角色打扮。你見到家啲OL，坐地鐵又拎部iPhone出嚟耕吓塊田，等巴士又㩒幾下，打機已經再唔係男仔專利。」