星期一曼城不敗金身終於喺史丹福橋被破，最高興梗係同市死敵曼聯領隊費格遜啦。而喺同一晚佢就帶埋班子弟兵，去咗聯合國兒童基金會慈善晚宴，當然唔少得行吓紅地毯啦。個個都官仔骨骨之餘，仲有幾位帶埋老婆女友出席。而最型嘅，當然係神高神大嘅迪基亞啦。菲爾鍾斯（左二）同查維亞靴南迪斯（右二）仲上台幫手，至於費Sir就表現得好高興，唔知係咪已經預咗曼城會輸？