家宅男女：15分鐘自製燭台　蘋果肉桂香噴噴

十二月最Warm節目，莫過於佈置聖誕樹，屋企細細、唔想太花費？花藝師今年教你用平價現成飾物，輕輕加入新鮮植物，就化身成好有睇頭嘅節日花藝擺設，十幾分鐘、幾十蚊，屋企氣氛氣派飛躍提升。

記者：張文蕙
攝影：伍慶泉
Model：Rika@Gme、Paris

鮮花燭台重層次

■CandlelitChristmas鮮花燭台除了DIY外，請花藝師代勞，$890（a）

PacificPetals創辦人歐子欣（Ada）：「自製節日盆栽只需約15分鐘，DIY着實不難！」採訪時看她示範，隨意在花泥放上玻璃杯、紅燭，外插花插松果等就馬上完成！初學者Rika試着學才明白，當中包含了多年經驗，才可插得有層次。
Ada指首先應利用燈台花疏落地圍着玻璃瓶插，從而建立一個大概的空間，然後才放置較大量的貴族松，令燭台完成後如像被花環圈着。插貴族松的秘訣是要從外圍開始，而且插入的深度應盡量一致，完成品才顯得整齊，而最後就應在瓶底位置呈45度插入，顯出層次感，亦可有效固定玻璃瓶。再加入幾個大型的紅綠繡球，這時雛型大致可見，加入不同品種的紅玫瑰除了顏色夠氣氛外，亦可令成品的格調提升不少。

DIY鮮花燭台步驟

■先利用燈台花散落地圍着玻璃瓶插。

■外圍插上貴族松，與瓶底須呈45度。

■散插紅綠繡球，燭台花環成雛型。

■先插入普通玫瑰，再加入迷你玫瑰點綴。

■插入聖誕裝飾球。

■最後加入小松果，即成！

材料：

玻璃杯及紅燭、貴族松葉片、燈台花、紅綠繡球、普通及迷你玫瑰、松果、聖誕裝飾球

小Tips

■花泥應用防水膠紙貼好，以免在插入飾物時整散個架。

■買下一棵貴族松後，即可摘下片片松葉自由使用。

整花環　肉桂條要粗

想自行設計聖誕花環，Ada表示可在坊間購買新鮮貴族松葉環，在上面整色整水！她的心水「配料」是松果、山歸來、迷你蘋果、肉桂條及聖誕閃閃波形裝飾。她表示，從她店內訂做花環的好處是植物全是從歐洲進口，品質有保證，而弄花環的肉桂條最好選較大型的，比例上會較好看，但在市面較難購得，而小記採訪時亦聞到大型肉桂條的香氣確實比幼條濃郁。

■BerriesandSpiceWreath大型聖誕花環。$990（a）

膠樹掛蘋果　升價廿倍

OasisFlorist花藝師WinniePang，今次就於12蚊店購入了一棵聖誕膠樹，掛上幼身肉桂條、小松果、新鮮小蘋果，令它升格不少！拍攝當天還連連有客人表示有興趣購買！可惜這個DIY只供蘋果讀者照着做，暫時無價：「膠樹千萬別再放閃波波，否則會顯得更俗，用新鮮的小蘋果放得耐，配合肉桂條香氣還有如蘋果批呢！」
此外，她又買了隻$12的鐵製聖誕襪，就咁用嚟做掛飾始終空洞了點，她靈機一觸，再用相同的小蘋果、肉桂等物，用鋼絲結在一起，再做成聖誕飾物，價值就馬上由$12升格上$250了！