【本報訊】內地資金仍然趨緊，連藍籌利豐（494）都研究要加入放數行列。基金界引述消息透露，利豐正研究開辦新業務，為供應商提供財務融資。分析員認為，如集團落實方案，肯定屬壞消息，反映供應商經營環境確實轉差，而利豐承擔的壞賬風險亦相應提高。
記者：吳綺慧、陳健文
利豐發言人接受查詢時表示，否認有計劃創立新業務去幫供應商融資，但過去一直有為非常個別的廠商提供信貸。
而上星期利豐出席花旗舉辦的研討會時，管理層就曾在會上透露，研究把供應商融資列為新業務。花旗其後在報告中亦有提及。
收唔到數風險恐升
有業內人士形容，利豐其實一直都有提供短期借貸予供應商，以協助他們周轉及採購原材料，而這方面的收入，利豐通常會以「供應商回贈」（rebate）的方式來入數，故認為今次利豐研究做融資並非新鮮事，只不過是把過往一直在做的生意「正常化」。
有關注利豐的基金經理表示，從來不知集團有做融資，不過對此未感意外：「如果有好嘅供應商，利豐借錢畀佢哋去買料、撐住佢哋以確保供應，咁都好正常。不過呢項唔係好消息，一來話畀大家聽個市真係好差，廠商無錢；另外利豐應收賬可能會差咗，亦多咗收唔到數嘅風險。」
不過，有外資分析員認為，現時廠商最大的問題，不是欠缺「水源」，反而是無足夠利潤：「被壓價壓得太緊要，佢哋利潤率已經低到情願休息停工，計埋仲着數。就算利豐借錢出去，都唔代表留得住佢哋。」至於壞賬風險，該分析員相信以目前市況，應該不算很大。
工總：好多客都係咁
香港工業總會副主席劉展灝亦表示，利豐借錢予廠家屬正常做法：「好多客戶都係咁做。08年金融海嘯時就最多呢種情況。」
劉展灝指出，由於聖誕節檔期定單的資金經已「回籠」，故目前廠家的資金壓力不大，但有聽過工廠因無定單，已提早於今個月放農曆新年長假，過埋年先再開工。
他估計，到明年2至3月便知道會否出現新一輪工廠倒閉潮。