陳慧琳（Kelly）跟老公Alex再度造人成功，現懷有約5個月的囝囝「小龍包」，腹大便便的她前晚到紅館擔任黎明（Leon）個唱尾場嘉賓，跟他和雷頌德合唱《紀念日》和獨唱《花花宇宙》，扭腰跳舞甚至輕輕踢腳，身手依然敏捷。
在3月不幸經歷小產的Kelly，痛失人工授孕的孖女，幸她很快收拾心情及調養好身體，早前終於宣佈再度有喜，懷有約5個月身孕的Kelly前晚到紅館任Leon尾場演唱會嘉賓，她穿上黑色珠片背心裙，腳踏只有約一吋多高的平底鞋，由台下慢慢升上台現身，台下反應熱烈，Kelly明顯肚凸凸，雙臂圓潤，孕味甚濃。
Kelly曾為Leon拍MV，又做過美國個唱嘉賓，兩人亦曾合作拍電影《江山美人》，私下甚為老友，Kelly大讚Leon有紳士風度，經常出手幫身邊人。Kelly又和Leon以及雷頌德（Mark）合唱《紀念日》，Kelly陀着約5個月大的「小龍包」，卻不太避忌幾乎全程跟着音樂擺動身軀，甚至輕輕踢腳。相反身旁的兩位男士卻表現得甚為拘謹，跟Kelly刻意保持距離以免撞到她，甚至不敢亂動，跟Kelly可謂相映成趣。
胎教慎言
Mark在台上大膽問Kelly，Leon是否好咀？她聞言笑說：「唔敢講，陀住啲咁嘅嘢，仲敢講咩。」Kelly坦承並非明白全部Leon的金句，接着她再獨唱《花花宇宙》，在台上四圍行，輕輕跳舞扭動身軀。
當晚是Leon的45歲生日，除老婆樂基兒到場外，李嘉欣和老公許晉亨、謝天華及老婆和契爺胡楓亦有捧場。完騷後Leon在後台切蛋糕，講到請Kelly做嘉賓，Leon謂：「我大約一個月前搵佢，當時佢冇講有BB，第二日睇報紙先見佢公佈咗，冇擔心，大家好熟，有問題一定會溝通。」問他到底有否計劃生BB？Leon又爆金句：「攝影記者就好似我爸爸，文字記者就係媽媽，成日催我幾時生，反而真正嘅父母就冇問過，呢啲自然嘅嘢，自然流程有就會有。」
採訪：溫敏芝
攝影：葉君海
