選委會塵埃落定，金融服務界29個候選人爭18個位，兩位星級股評人鄧聲興同藺常念，不敵老闆級人馬齊齊落選。差5票落選嘅鄧聲興同華華講：「第一次都算OK啦，你見啲list（名單）全部都係勁人嚟！」
「打工仔難攞票」
藺常念亦笑笑口話：「之前有參選，但都未嬴過，贏嘅都係老細級，證明我哋呢啲打工仔好難攞到票。」仲話唐梁兩個候選人佢都唔支持，即使當選應該唔會投票畀佢兩個。
今次票王係攞咗230票嘅香港證券學會永遠榮譽會長張華峰，金利豐（1031）朱太李月華、證券經紀業協會前主席李耀新亦得到超過200票。至於挺梁嘅港交所（388）董事李君豪、金銀業貿易場理事長張德熙都齊齊當選。