見到一大堆表面以為好重要嘅歐霸盃出線關鍵第6回，小弟怕了，惟有向波友建議攻其他場次。捧今日下午嘅澳職同黃昏嘅世冠盃。山度士hea夠，越洲攻疲兵柏雷素爾穩勝；串射連輸兩場、差到不似真的澳職「1哥」布里斯班獅吼。
近期本欄走勢呈單跳攤路，周末重心先後貼中狼隊同巴塞隆拿；不過去到周中一籌莫展，熱刺甚至上周曼聯踢歐聯也連同他們齊中伏。不想扮眾人皆醉我獨醒，但歐霸班名氣隊賽績如何堅挺引人，也難再提起小弟投注的胃口。尤其此盃超級名牌熱刺，眼見曼城剛被車仔在聯賽破金身，令爭霸形勢頓變緊湊，明天還會全力攻陷愛爾蘭沙姆洛克流浪嗎？其實心或早繫下半月餘下還有的頻密4場英超波，明戰派二線兵輸贏隨緣。
還是先談澳職，早前彈過後仍然極難賭，難為睇住直播叫人走地嗰班電視台評述員；今次冇乜好選擇，就博一場冇直播嘅澳職波，買完唔使囉囉攣。「１哥」獅吼遠赴威靈頓鳳凰，前者保持長期不敗走勢後斷開就斷；但上仗直播見獅吼下半場反撲有勢，今次對手大幅減弱也換來較好分賠率，作為冷選，只在本欄取贏波波膽。
今次重心取巴西山度士。自從6月贏得南美自由盃，得以取得這個近半年後來到東京參加的世冠盃機會後，班波呢近半年在聯賽可謂hea足半程；接近降班區就識連贏幾場，最後中游過終點，箭頭一早擺喺本盃決賽撼巴塞隆拿。尼馬等巴西兵，爭盃事小，提升自己聲價出外搵食事大；相反對手今月將硬撼到第4場，上仗踢足120分鐘贏波已見疲態畢露，唞兩天又出場，難怪執筆時見山度士W由1.8倍跌至1.75倍，看來今天仍會繼續起票。
這邊山度士遇着疲兵柏雷素爾有運；那邊阿仙奴左閘安德里山度士重創卻極為無奈。此子今夏加盟後近月幾乎場場踢足，阿仙奴兩邊三閘已齊傷，為何雲格還要讓這位山度士上周正選去希臘踢無謂的歐聯，大師級部署有自己想法，但重要棋子重創唞3個月，卻換來沉重代價。
阿仙奴本月起或要場場用4位中堅踢4人防線，是笑料；眼見曼城剛失3分，下戰兩軍相逢，遇見受傷老虎，不知是悲是喜！
下次見報(17/12)
文：蘋果波神
今日
重心推介
熱選：山度士勝(1.75)
冷選：布里斯班獅吼勝2:1(7.5),3:1(12)