英超球員成日喺聖誕派對出事，所以曼聯今年學精咗，喺上個禮拜六好低調咁開咗個聖誕P，而且仲要謝絕WAGs出席，不過，老將傑斯（上圖左）就例外，老婆斯塔茜（下圖）全程監場，從啲相睇嚟，斯塔茜就好開心，傑斯就嗱口嗱面！另外，唔知係唔係因為唔畀WAGs出席，所以朗尼索性冇參加個P；連在場人士亦話，個P氣氛冇乜，可以話係歷年紅魔最淡靜嘅聖誕P。
反觀紅魔嘅同市勁敵曼城，因為今屆喺英超表現好，佢哋就打算大搞今年聖誕P，而且仲會搞化妝舞會。一向古靈精怪嘅前鋒巴洛迪利就未表示會扮乜，反而另一前鋒迪斯高就諗好咗扮rock友GeneSimmons，仲游說緊隊友高拉洛夫同埋史提芬沙域，同佢一齊扮band友㖭，唔知會唔會爆粗呢！