由前任政務司司長陳方安生姨甥女、方寧生獨生女陸介琳（Karen）開設的家具店FarringtonInteriors，專賣大碼家具，逾20個歐洲牌子，全部都是Karen至愛。家具款式從古典到現代化都有，不少名人闊太都愛來這裏購買心頭好，不過有哪些名人來過，Karen就不願透露，「始終都係想客人有個私密嘅空間揀傢俬，所以平時都要預約咗先。」陳方安生就曾對一張購自歐洲的麻雀枱讚口不絕。
由於Farrington出售的都是KingSize家具，相信也只有富豪級才能有超大豪宅可放到這些家具，店舖經理Esmond說：「有唔少酒店會同我哋訂傢俬，放喺佢哋嘅liftlobby或者總統套房，因為喺香港要搵到賣大型傢俬嘅舖頭唔多。」香港海逸君綽酒店及澳門銀河酒店，都有向FarringtonInteriors訂貨，全因這裏的家具能反映出高貴格調。
Buccellati銀器人手雕花
Farrington最新引入的意大利品牌Buccellati，屬皇室御用品牌，有百年歷史。此品牌的銀器製品，全經人手雕花，所以每件製品都是獨一無二。Karen說：「我真係好鍾意Buccellati，啲首飾好靚。我嘅結婚戒指，送畀賓客嘅回禮都係呢個牌子。」只因銀器高貴得來又不太炫耀，有一種樸實的奢華感。「我同佢哋傾咗成年先攞到個代理權！」現時Karen的店舖暫為Buccellati的香港獨家代理，主要售賣相架及銀器擺設。
城中不少名人都愛Buccellati，已故巨星梅艷芳於03年舉行的告別演唱會，也戴上意大利GianmariaBuccellati為她度身訂做的珍珠頸鏈及耳環。
荷李活大片 愛用CG家具
店舖另一主打品牌家具是著名設計師ChristopherGuy主理的CG家具。他的設計糅合現代主義及古典風格，特色是喜用弧形線條，家具以優雅見稱。代表作是已獲得專利的Chris-X設計，包括交叠的椅腳或枱腳造型，令人聯想到女性優美的體態。ChristopherGuy更榮獲2011年DesignIcon大獎，不少荷李活大片都用上CG家具，如《穿Prada的惡魔》、《盜海豪情：13王牌》、《新鐵金剛智破皇家賭場》等。F1車壇天王米高舒麥加、拳王阿里、荷李活巨星尼古拉斯基治、珍妮花雅麗絲頓等都是ChristopherGuy的捧場客。
在FarringtonInteriors最耀眼的CG家具，是一進門就看見的L形梳化，梳化邊是木製的，但鋪上一層銀箔，再變化成黑珍珠色，高貴得來又不會過度浮誇，售18.1萬元。
至於來自法國的品牌R&YAugousti，設計兼具現代與復古美感，Karen說：「佢哋做嘅嘢好別致，會鋪上唔同嘅物料。」設計師利用各種天然原木材，配合珍貴的皮革、金屬等物料。其中一個看似戒指狀的茶几，是Karen極力推介。
記者：張芷茵 攝影：梁志永
採購擺位 老闆親力親為
Karen開設Farrington的目的，是由於自己及朋友在港買不到心頭好，故決定開設一家夢想中的店舖，售賣一系列大型家具，「我比較鍾意betweenclassicandmodern嘅傢俬，香港冇乜選擇，成日都要去外國買，索性就自己開番間。」
全店佔地8000平方呎，店內劃分不同空間，每個空間都會營造不同的格調。每走一步，就恍如置身不同境地，Karen注重每個細節：材質、配色、wallart，每件家具的配搭，都不會兒戲了事。經理Esmond說；「呢度所有傢俬都係老闆自己去揀，返到嚟又會諗點樣擺位，連凳腳嘅顏色佢都會考慮埋。」
「好多貨我都唔肯賣」
Karen說：「其實呢度有好多貨我都唔肯賣，有時啲新貨display唔夠兩日，就已經有客睇中，但係我想擺多一陣，畀多啲人睇吓先！」