開心飛起：主人與狗齊踩場　圍枱擦燒肉

要數讓人消費意欲最強的城市，我首選東京，今次來到台場VenusFort地下層，原來是個狗仔可以任逛任食的商場，見到主人與狗同枱擦燒肉布丁，齊齊Shopping買新衫，溫馨場面處處見，令我高呼：「做狗好正！」

記者、攝影︰徐影珊
鳴謝︰PettourHK

燒肉套餐狗仔專食

■帶埋狗仔圍埋開餐，這件事總帶點浮誇！

在香港想帶狗行商場，簡直是妄想，但在日本這個愛狗城市，好像東京台場的VenusFort，就有整整一層可容許主人拖狗仔踩入商場。記起朋友提過台場有間主人與狗仔可齊齊食燒肉的店舖，一於去幫襯，店舖門外果然貼有歡迎狗仔的標貼，點菜時發現有狗仔食的燒肉餐及布丁甜品，嘩！想不到牠們可跟主人圍埋齊齊分享燒肉。我點了份燒牛肉及韓式石頭鍋飯，可能是吃了燒肉關係，覺得溫暖，原來東京的冬天不太冷。

■我點了最上等的牛扒，單點價錢由$160起一份；另設放題，90分鐘任食$398/位。

■不能相信吧？這份是狗仔專吃的燒肉餐，這個套餐也不便宜。約$126

■這個布丁甜品賣相吸引，用可愛狗兜盛載着，上枱時我以為是小朋友吃的！約$36.8

ぅしすけ台場店
地址︰東京都港區台場1-6-1

拖狗直踩入舖

我在商場環顧一圈，發現有不少賣貓狗用品的店舖，全部歡迎狗狗進入。我與友人見到狗仔衫就忍不住買買買，當中最搞鬼的，是可以幫狗仔扮成聖誕樹，好Kawaii呢！

■想識日本妹，拖住狗仔逛商場包成功！

■一於趁聖誕節幫狗仔變成棵聖誕樹！約$280

■這背包是要狗仔背着紙巾出街，方便主人清潔便便。約$210

■《海賊王》在日本仍非常熱賣，貓床也有其骷髏Logo。約$198

■台場如今已充滿聖誕氣氛。

■台場是東京都內一個很集中的商場區域，大家行過VenusFort也知道，但原來地下層歡迎帶狗同行！

台場VenusFort
地址︰東京都江東區青海1丁目PaletteTown
營業時間︰商場11am-9pm/餐廳11am-11pm
網址︰ http://www.venusfort.co.jp

　
DogDeptCafe狗食分大細

我偶然會取笑穿情侶裝的朋友，使唔使咁Sweet呀？然而我每次去東京及近郊地區，逛過DogDept後，也開始對套裝着迷，不過這種套裝不是情侶套裝，而是主人與狗齊齊穿的套裝。DogDept是日本品牌，店舖已遍佈東京首都圈、輕井沢、大阪、青森及冲繩，旗艦店名叫DogGardenResort，更設有狗仔Cafe，方便主人帶狗齊Shopping及玩足半朝。今次我尋訪東京近郊湘南的鵠沼店，當季新款衫齊備。我最欣賞今季的冷衫及冷帽，因為有好多款式與狗仔衫配成一套！這裏有特別的狗仔雨衣，尺碼好齊，大至金毛拉布拉多犬，小至貴婦狗仔都有！買完衫可在旁邊的Cafe吃午餐，這裏設有狗Menu，大家可同枱食飯，感覺相當溫馨。