無綫「2011勁歌金曲優秀選第三回」前晚在將軍澳電視城舉行，無綫和五大唱片的版稅問題擾攘多時，近日雙方關係表面解封。因過去一年五大歌手沒有歌曲入圍，故前晚五大歌手繼續食白果，並造就了無綫力捧的「超級巨聲」林欣彤連奪兩個獎，打低英皇一姐容祖兒（Joey）成為大贏家。
阿詩硬頸
穿上大露背示人的Joey笑言一身打扮是請大家食冰淇淋。對於好友何韻詩在facebook寸商台改制令她的《癡情司》一曲未能入圍叱咤，更反問是否不用出席頒獎禮，Joey就說：「其實出席與否最緊要係參與頒獎禮，支持樂壇行動，每個地區樂壇都需要齊心，當然每人諗法唔同，會鼓勵身邊朋友參加，自己都儲緊呢個勇氣，阿詩係金牛座，比較硬頸，但都會提議吓。」
而同場的王菀之亦力撐阿詩說：「佢唔係呢個意思，唔似佢作風，大家解讀錯咗，佢係心哋好嘅人。」
採訪：馬建華 攝影：陳俊強