前晚鄭秀文（Sammi）在澳門舉行巡迴演唱會最後一站，但她依然隆重其事，先後換上多套全新歌衫亮相。回想09年在港開騷時Sammi大呼自己好dry，現時已跟許志安復合的她，心情當然wet到靚絕，足足三度安哥令fans盡興而回。
鄭秀文最後一場「LoveMiMore世界巡迴演唱會」前晚在澳門威尼斯人酒店綜藝館舉行，甫開始Sammi已high爆，狂跳勁舞，雖然已是最後一場，但她絕不馬虎換上多套全新戰衣上台，其間Sammi冧爆唱出安仔的《唯獨你是不可取替》，又舉咪叫台下fans跟她一齊合唱。
不足一百磅
Sammi的演唱會在09年12月於紅館舉行首場，當時的她公然在台上表示自己好dry，甚至以dry到似沙漠來形容當日的感情生活，不過現在的Sammi已跟安仔復合過着甜蜜生活，前晚她還wet得很開心，搞笑地說：「你哋仲dry唔dry呀？係咪好wet呢？」
今次尾場，唱片公司落重本為Sammi訂購多套新歌衫，她坦言為穿這批新衫，身上不能有多餘肥膏，鋼條身材的她狀態十足，穿上大露背裝和deepV時，身形弗爆，不過她自爆目前體重不足100磅，完騷後要狂食補數。
自詡唔難頂
前晚Sammi請來盧凱彤和MC仁擔任嘉賓，她在盧凱彤以結他伴奏下合唱《恰似你的溫柔》，另和MC仁合唱《罪與罰》，Sammi又對着在台下的經理人郭啟華說：「我哋合作咗十幾年，我唔係好難頂啫，我都好nice呀。」
撰文：葉雪
