歐盟峯會上周五一直有新消息Update，雖然冇乜突破性發展，但各國總算為解決危機再行前一步，可惜大戶散戶唔領情，港股被由頭沽到尾，全日插水近3%；但跌市中亦有奇葩，好似遠大中國（2789）咁，逆市升1%，股價之硬淨值得一睇。
遠大中國主打一站式綜合幕牆解決方案，截至6月底中期賺4.17億元（人民幣．下同），按年增23.3%，毛利率亦升0.6個百分點至23.8%。公司產品具備環保及節能效益，食正十二．五綠色經濟國策，高層早前表明，內地承建項目絕大部份屬國家公共建設，宏觀環境對生意影響不大。事實上，北京嘅水立方同鳥巢項目，佢哋都有份參建，下半年新合同涉資逾30億銀，未來盈利肯定有保證。現價計年度化PE5倍，作為行業龍頭實在平得可憐。該股上周五收報1.10元，企穩20日線，現價買入，短線有力上試1.25元，跌穿1元止蝕。
唐牛