上星期華華收到恒隆地產（101）傳訊助理董事關則輝（CF）電郵嚟嘅喜訊，佢老兄獲香港大學委任為校董，任期由今年12月1日起，為期三年，認真值得恭喜。
公關專家有計諗
CF係港大舊生，1987年喺港大文學院畢業，據聞佢當年都要考過兩次高考先入到大學，可見那些年入港大幾咁唔容易！咁啱今年係港大百周年紀念，意義更重大。
話時話，今年亦係港大是非多嘅一年，繼8.18港大百周年典禮單嘢後，校長徐立之又突然請辭。諗諗吓，喺呢個時間委任CF做校董真係明智之舉，皆因CF屬於公關界殿堂級人馬，出名係風險管理專家，有佢出謀獻策，就唔怕唔知點應付傳媒。