陳茵媺噚日去咗澳門擔任聖誕活動嘅嘉賓，佢仲即場同澳洲專業冰上舞蹈員表演花式溜冰，身手相當唔錯。大會為咗答謝陳茵媺嘅演出，花式溜冰團嘅團長仲代表主辦單位送咗一對專業花式溜冰鞋畀佢做紀念，陳茵媺話：「嚟到現場感覺真係特別親切，因為場內銀白色嘅佈置加埋雪花飄飄，真係令我諗番起以前細個喺多倫多過嘅白色聖誕節。」