黎明（Leon）前晚在紅館舉行第五場《LeonXu演唱會》，明年將做老竇的劉德華當晚專程現身捧場，還睇足全場，Leon亦特別在台上感謝華仔抽空支持，又祝賀他早前奪得金馬影帝，Leon直言希望將來再有機會跟華仔合作。
當晚Leon請來同是新秀出身的蘇永康任嘉賓合唱《相逢在雨中》，當康仔得知之前有fans將玩遊戲的獎金捐給公益金時，他即場拿出3,000元捐出。Leon返回後台時，康仔在台上搞笑說：「頭先fans捐完錢可以問Leon問題，我想問，點解行晒成個紅館都見唔到樂基兒嘅？」觀眾即時起哄。此外，之前有指Leon在星期四晚個唱上曾講及關於生仔話題，他得知後表示從沒講過有關話題，令他感到相當奇怪。撰文：葉雪