男人成日投訴時裝已經好少選擇，尤其買恤衫，十個有九個姿整男買親都衣不稱身，膊頭Fit但腰又鬼咁闊，再不就是遮到肚腩但上身Oversize。雖然不少大牌都有量身訂做恤衫的服務，但最低消費閒閒哋都要成幾千銀，邊有咁多$6,000畀你使？難得有個ABC有同樣困擾，兩星期前就喺銅鑼灣樓上舖開咗間訂製恤衫店，100%MadeinHongKong，仲要唔係國產貨，男人仲唔Buy？
記者：陳子穎
攝影：林栢鈞
模特兒：ShenChihMing,Z.O@Jamcast
建築工程轉投人體工程
後生仔開舖九成半都賣女裝，男裝嘛，真係好少，難怪男人成日投訴好難買衫。在加拿大出生，英國劍橋大學修讀工程系碩士畢業的Ian，明明是個準建築工程師，忽然轉軚走去做人體工程師。「一直都喜歡着恤衫，家裏的衣櫃幾乎買了過百件，可是，出街買的恤衫大多衣不稱身，因為我膊頭位比較橫，就到個膊又就唔到條腰。後來就索性去舊式裁縫舖搵專人訂做，係就係好Fit，不過款式又好Out，於是我就諗，何不將這兩個Concept合二為一？反正香港都未有呢類市場。」因為自己太愛穿恤衫，但又買不到心頭好，於是，Ian就和小學同學的弟弟開了現在的恤衫店Cuffs。開舖前，為了解裁縫店的運作，Ian花了一段時間去跟老師傅實習，學度身、布料分類和一切有關裁縫師要接觸的工作。設計方面，就由其PartnerMario負責。Mario是克羅地亞人，做開時裝設計，是Cuffs的CreativeDirector，除了他，還有一位在香港剛拿了年輕最佳設計師的女Designer負責店內所有現成Sample的恤衫設計。
領口都有萬七個
自助ShirtBar
考慮到不少客人罹患「選擇困難症」，店舖亦預先設計好數十款恤衫。不過，所說的現成純粹是指款式，他們還是很堅持要替客人量身訂製真正適合身形的恤衫才收費。而訂製恤衫前，Ian更會親自為客人量身和講解如何選擇恤衫七個部位的Details，包括：布料、袖口、領口、同位（即鈕扣位）、Trim、鈕扣和剪裁。基本上，五至七個工作天就可以起貨，而首次量身後亦將記錄低客人的Measurement，毋須每次量度。
CuffsDoubleLayer白恤衫$470、initialTwo-toneBowTie$890
DetailsCheck！
前看平平無奇，實際上領口和背部都做了DoubleLayer！
Cuffs白色BandCollar恤衫$420
DetailsCheck！
打開鈕門，車了一條On-ToneTrim點綴加激罕內袋設計，型！
$380件平過平民店
過往SellTailor-made的單品通常叫價特別高，但Cuffs賣的恤衫，平均$380就有一件，而且經小記驗證，的確無取巧，$380都有好多選擇，絕對唔係得一件半件。Ian：「因為剛起步，唔想因定價太高令人卻步，而且價格都唔會差太遠，最貴的也不過$500多，只是布料的質地不同而已。譬如SeaIslandCotton的纖維長一倍，密度高，好幼細，質地特別舒服。又或者想加多些Details如改用貝殼鈕、領口加Trim做裝飾都會逐Part收費，但講緊每Part平均都係幾十蚊。」坦白說，男人出去買件恤衫閒閒哋都要$500，家有專人量身訂做仲有得自己揀款，埋單都係$380，我唔係男人都Buy啦！
Cuffs（24136033）
銅鑼灣利園山道27號3樓
initial（24421433）
銅鑼灣謝斐道530號