【本報訊】「香港人值得有更好嘅選擇！」民主黨主席何俊仁，自宣佈有意選特首以來，先後高調開記招，以「如心廣場案」及「維港巨星匯」抨擊建制參選人梁振英無誠信，唐英年無能力。何俊仁說，參選是要做建制候選人的「照妖鏡」，並非為民主黨2017年參選特首鋪路「霸位」。
泛民特首初選將於明年一月舉行，相信屆時會是民主黨何俊仁及民協馮檢基之爭。何俊仁重申，明年特首選舉仍是「阿爺（中央）最後揸fit，最後決定」，泛民參選是要爭取平台向建制候選人提質詢，以免讓他們蒙混過關。
預見梁振英必打壓民主
何俊仁認為馮檢基若集中講政策，鬥政綱，其實作用不大：「梁振英喺建屋、扶貧政策建議同泛民好相似，但佢對政制改革，中央對香港嘅干預，對維護一國兩制嘅核心價值、地產霸權問題，同我哋好大分歧，選舉就係要突出呢啲，唔係冇意思……人哋會問，咁你（泛民）出來選做咩，你都選唔到！」他續說，唐英年沒有領導能力，梁振英相對做事目標清晰，但可預見打壓民主會更加「心狠手辣」，慨嘆「香港人值得有更好嘅選擇！」。
有指民主黨今屆矢志參選，其實不欲再為公民黨「抬轎」，為爭取2017年普選特首時「霸位」出選鋪路，何俊仁即斬釘截鐵否認：「冇得霸，大家都知我咩年紀，到時唔會係我咁年紀嘅人（參選）。我係為民主嘅未來鋪路，唔係為自己鋪路。」不過，特首選舉戰幔已經掀開，何俊仁聲勢明顯不及上屆挑戰曾蔭權的公民黨黨魁梁家傑，何認為主因是建制派內鬥吸引公眾眼球，而非他沒有整合泛民的魅力，又說：「我哋上次好落力支持人，今次希望人哋都係咁啦。」