本報噚日踢爆話今年四月同內地武指朱少杰結婚嘅郭羨妮有喜，樂易玲噚日俾人問到羨妮懷孕，佢笑住話：「本來我叫Sonija喺5號返嚟出席台慶頒獎禮，但係佢覆我話最近肥咗，怕上鏡唔靚而婉拒咗，當時我已經覺得佢可能係有咗。」近日無綫喜事多籮籮，樂小姐又自爆有一個曾生過BB嘅女藝人再度懷孕，但因怕BB小器，所以唔方便透露。