雖然泛民在上屆特首選舉中，已試過成功提名候選人參選，但不少泛民中人均認為今屆特首選委選舉中，泛民能否贏得150席、令他們可以繼續派人入閘，對爭取2017有泛民候選人參加首次特首普選極之重要，因北京將難找藉口提高參選門檻，阻止泛民進場。
泛民今屆不容有失
有泛民成員指出，泛民今次再爭「入閘」選特首，並非只為「踢爆」小圈子選舉，而是為泛民出戰2017年普選特首鋪路，「我哋要做成一個事實，就係連小圈子特首選舉，泛民每一屆都可以派人參選。」該泛民中人稱，下屆政府會就2017年普選特首制訂提名機制；北京一直想用《基本法》內所謂的「民主」提名程序，以變相預選方式設關卡，阻止泛民候選人「入閘」，「佢哋（北京）怕真係一人一票選特首，真係會畀泛民選到！」
該泛民中人指，特區若要在2017年力爭真正普選特首，泛民在今屆選委會選舉絕對不容有失，因為泛民必須在選委會選舉中贏得150席或以上，保證能再提名候選人參選，做成「泛民連小圈子選舉都一定可以派人參選」的事實，才令北京難以再阻止泛民「入閘」，「因為到時香港市民甚至國際社會都會問：為乜小圈子選舉泛民可以選，反而普選泛民唔可以選，呢個普選仲唔係假普選？我諗北京唔會想見到咁嘅情況！」《蘋果》記者