睇辦戰竟然貼得死曼聯，半睡半醒睇到成清晨6點，精神及金錢付諸流水；今晚也躍躍欲試捱到明晨7點，西甲國家打吡遇冷鋒襲港也不應錯過。巴塞分數上處劣勢卻擁最強變數，從觀賞角度，波友也期望皇馬不要在年尾前已breakaway（彈開）。
唉！真不想曼市雙雄周中歐聯齊冧檔，要轉戰無謂歐霸盃；記得上季曼城若不是去到重要關頭，在3月中主場對基輔戴拿模有「腦殘」巴洛迪利被逐，終飲恨歐霸盃，早早16強出局，也難望錄得季尾勁勢追到與亞軍車仔同分。歐聯異象，勢令今屆英超之爭變數少了，前領嘅曼城會在下月再添兵，其他強隊似係得個「追」字。
今日〈蘋果〉波經封面做西班牙國家打吡，英超暫放一旁；牽牛兄心水貼皇馬，我倒想拗一拗氣，撐巴塞。小弟認為最強變數，可能是超筍轉會價回歸巴塞的法比仔；唔敢講呢場一定會被派正選上陣，但巴塞多失皇馬6分，這位繼美斯後嘅球會聯賽2號殺手可大派用場，希望哥帥肯打3-4-3陣式望成功拉近與對方差距；下半季，西甲先會繼續咁好睇。
君子報仇十年未晚，法比仔可能天生與皇馬名帥摩連奴或者對手王牌C朗為敵；早在04年英超球季，法比仔嶄露頭角，跟一眾師兄如亨利及韋拉學嘢時，摩連奴如現時波亞斯，挾領波圖威勢空降英倫，即為車仔連續兩季奪得英超冠軍；法比仔直至對方教到第4季季初被辭退前，效力的阿仙奴一盃也無，對賽也多被對方剋死；個人榮譽每屈居當時效力曼聯的C朗之後。有趣是摩佬被炒，法比仔即奪07年9月份英超最佳球員，同季更首次奪年度英超最佳年輕球員獎。
平價回歸粒粒皆星嘅巴塞，無阻大熟法比仔繼續上位，出賽次數不算多，但入球不少；加上今夏另一位簽入的翼鋒阿歷斯山齊士傷癒復勇，估計皇馬必如以往一樣，中場屯重兵以破壞巴塞傳送予美斯破關，但多幾位炮手，皇馬未必「嘜」得晒，也嫌莊家撐皇馬太狠。巴塞受讓平/半中水，兼有2.8倍客W，一季有幾場？冷選博利記主場炒昆士柏流浪的波膽，射手蘇亞雷斯長期停賽在即，杜帥應放膽排全攻陣，用到佢盡。
下次見報(14/12)
蘋果波神
熱選
巴塞隆拿（下）
冷選
利物浦勝3:0(7)，3:1(10)
巴塞隆拿（下）