吳苗茹生前的兼職家傭何女士，在吳臨終前的兩個月，伴在吳身邊照顧。但吳死後，何被拖欠7,000元薪金及1,000多元買餸錢，向吳的兒子追討，但對方竟唔認賬說：「出乜糧呀，人都死咗，死冇對證。」追討多時，李家最終只肯還買餸錢。
何後來向吳生前的好友申訴，好友無奈說：「佢家人係咁，搵人笨，同佢買嘢，冇話畀錢，都係我哋自己出。」何本打算向勞工處追討，但為免多事，最終放棄。「平時我都會做義工，我咪當做義工囉，只係條氣唔順。」
幫吳打工期間，何發現吳向外笑面迎人，但其實內心很孤單。吳在臨終前的個多月，曾向何訴說「不如我哋搵個荒山野嶺住」，免卻應酬別人。何說，陪同吳外出，有時要自掏腰包付車資，但眼見吳那麼孤單淒凉，她都不太介意了。