當你平日在電視睇各大潮流品牌的花生騷，又或在時裝店血拼時，總會聽到一些好有節奏感但又好陌生的音樂，有些音樂更好聽到想即時擁有。或許好多人會奇怪，大品牌財雄勢大，出一張自家品牌專輯有多難？其實唔係無，只係他們通常用來作非賣品，送給尊貴的客人或出席活動的嘉賓，甚少作公開發售。所以當意大利名牌BottegaVeneta推出這套雙CD，我第一時間飛車到海港城專門店買下來，原因之一係物以罕為貴，據聞台灣專門店都只限量80套，那香港數量應該不會相差太遠。另外一個原因係這套CD只需$330，應該係BottegaVeneta史上最平出品吧？碟內輯錄BottegaVeneta過往在花生騷及專門店內播放的音樂，爵士樂、古典、流行曲、以至電音樣樣齊，唱片及封套更由BV創意總監TomasMaier親自設計，CD上自然少不了BV獨家的皮革梭織法圖案。聽CD，原來可以係一件好潮的事！
文：李廸偉
（http://blog.yahoo.com/audioblog）