黎耀祥昨日在中環拍攝健康食品廣告，曾被視為陳志雲愛將的祥仔，談到志雲請辭時說：「我唔擔心，亦相信對無綫嘅影響唔大，亦唔會有太大嘅轉變。不過陳生佢真係一個好叻嘅人，佢主持嘅節目的確掀起一陣熱潮。」祥仔續說：「我同無綫仲有一年就約滿，而且仲係基本藝員合約，我相信對我自己嘅影響更加少。」
私下甚少聯絡
問祥仔假如志雲過檔其他電視台，會否跟他過檔？祥仔說：「唔會喇，我連內地有人搵我拍劇都冇興趣。」祥仔還稱與志雲私下甚少聯絡，亦未有與他吃過飯。至於有否在台慶夜與新股東陳國強和王雪梅見面，祥仔坦言：「我有見到陳生（陳國強），但係王小姐就冇人介紹。」
採訪、攝影：魯萍