陳志雲在無綫經歷幾許風雨，但他的一班迷雲黨一直不離不棄力撐，志雲正式請辭無綫，去向仍然是個謎，但這班迷雲黨依然全力支持到底。
寧進
「如果陳生要我過檔，我好大機會考慮，陳生不嬲都睇住我，佢一早同我講咗將來有乜嘢，一定會預我一份。」
張繼聰
「祝福陳生，聽見佢去遊學增值自己係一個好好嘅生活，希望佢好好享受，希望佢過快樂人生，呢行總有機會再碰到。」
謝安琪
「相信陳生離開無綫一定有佢嘅想法，佢有才華，性格又好，同佢傾偈好舒服，相信無論去到邊佢都一樣成功，將來佢自組公司又好，過檔其他公司又好，只要佢出聲我一定幫手，之前都同佢合作過慈善活動，希望有機會再同佢合作做善事。」
陳敏之
陳生係人才，離開無綫好可惜，冇諗會唔會跟佢跳槽，應該唔會，我同無綫仲有好長合約，但如果佢透過無綫正常程序搵我，一定會幫。
