曾主演韓劇《咖啡王子》的韓星尹恩惠，昨日在銅鑼灣出席MCM新店開幕活動，竟揚言很肚餓想返酒店，又坦言每次來港都會肥幾磅返韓。惠妹笑言如果有男朋友的話，一定會趁機買聖誕禮物。
尹恩惠前日由韓國仁川機場出發來港，作為MCM的嘉賓的她更十分識做，事關她選用的紅色護照夾和黃色手袋正是該品牌，據知單是手袋已價值600萬韓圜（約41,200港元）。
冇男友送禮物
前日韓國雖然只得幾度，但尹恩惠耐寒程度驚人，居然穿熱褲晒美腿，令其他旅客也不禁望多兩眼。戴上太陽眼鏡的她衣着十分單薄，落車後她毫無架子，親自拖行李過馬路行入機場。
尹恩惠兩年前曾經來港，今次將會逗留一個星期，問她打算做甚麼？她說：「未想到，只知現在很肚餓，想返酒店。」她指每次來港都會肥幾磅返韓，之前試過來港扮成普通人行街，但很快就被人認出，又多記者跟，相反在韓國沒遇過這回事。
聖誕將至，問她可會趁機選購禮物送給男友，惠妹笑得特別開心地說：「如果有就一定會。」言下之意即仍然單身，又稱現正揀選劇本，揀到最好才會接拍。對於近日疑似韓國女主播韓成珠的性愛片段在網上流傳，經理人一聽見記者提問，即拉惠妹離開。
樂仔唔敢女
余文樂昨晚也同場，問他是否喜歡韓國女生，他說想望都不敢望，以免被指媾女。而他前晚在網上公開了一張為父親慶生的相片，他指已送了汽車給父做禮物，他說：「父親扭了很耐計要買車。」下次扭送新抱怎辦？「佢扭咗啦，不過我要賺錢買車邊有時間識女仔。」他自言也想識女友，也試過嘗試發展，但奈何太忙，又驚被人利用。是否怕內地女星？他說：「唔好標籤內地女生，其實每個地方都有好女仔。」
樂仔早前與盛傳大肚的楊千嬅拍攝電影《春嬌與志明》，他說今個月要開始宣傳，「如果佢真係大肚要恭喜佢！」然後又抵死地說：「不過我之前見千嬅仲多過佢見丁子高，丁生咁少時間如果都中的話就認真巴閉同勁。」對於有指丁子高早前為了生B而練腰力，樂仔指不單止靠腰力，還要個人身體質素好。
採訪：李珮洳 攝影：葉君海