傅明憲昨日在中環出席童書新書發佈會，她說：「畫家郭振幫SPCA籌款好多年，今次新書都會，呢本故事書仲會去學校做講座、分享會。」她表示曾帶狗隻去天水圍區的小學探訪和分享：「有啲公屋小朋友，因為屋邨唔畀養狗，小六學生都未摸過狗。」
對於好友謝天華失落視帝寶座，傅明憲也大呼失望及不值：「好失望，戥佢唔抵，因為佢今年個勢真係好強，之前我哋一齊去哈爾濱，通街嘅人都叫佢做Laughing哥，好hit。」網民現時為謝天華改名白果華，傅明憲一聽就心痛說：「唔好起個咁嘅名啦，佢個人咁好、演技又好、氣勢又好，我哋朋友心目中佢已經係視帝。」
採訪、攝影：盧妹