女明星愛比行頭，但原來男明星都玩呢一套，男人老狗表面好似好無所謂，但其實背後都愛斤斤計較，關仁聽聞早前「電眼影帝」同「黑人影帝」喺一部新戲碰頭，見記者時佢哋大家都和顏悅色，惺惺相惜，佢哋需要返內地取景，身為影帝都好緊張食住安排，話說電眼影帝未入劇組就問工作人員有乜嘢安排，跟住第二個問題係好關心對手黑人影帝係咪一樣同級酒店同食宿安排，當發現自己稍遜少少，電眼影帝就火都嚟晒，發爛渣要求平等安排，工作人員正頭痕之際，論到黑人影帝出招，佢又問番同電眼影帝一模一樣問題，工作人員唔想得失任何一方，索性乜都雙份，等佢哋平起平坐。呢件事上，關仁好奇怪平時愛低調嘅黑人影帝忽然乜都爭一餐，睇嚟佢平時扮嘢嘅冇所謂，純粹真係好戲。
撰文：關仁