【本報訊】鄧氏夫婦車禍後送往將軍澳醫院診治，醫院檢查後說他們無大礙，叫他們即晚出院。出院後，鄧先生不斷乾咳，太太胸口仍感劇痛，捱了兩日後，決定再找私家醫生診治。
要即做手術否則無命
鄧太說：「本來以為係啲骨有事，所以去聖德肋撒醫院睇骨科，醫生睇完我哋兩個張X光片，話我胸骨裂咗，要慢慢休養；之後望住我老公張X光片，話點解個肺得番個拳頭咁大嘅，即時轉介胸肺科。」原來鄧先生的肺被撞穿，要即時做手術，稍有延誤隨時無命。
「穿肺喎！將軍澳醫院點會完全檢查唔出；如果我哋冇搵私家醫生診治，我身邊人係咪仲喺度呢？我真係唔敢想像。」鄧太常有聽聞公立醫院醫療失誤，沒想到自己會變主角。由於私家醫院收費昂貴，他們被迫到將軍澳醫院覆診。該院亦「知錯」，特別厚待他們，故無再追究。